موقع أسرع، أخطاء أقل، وظهور أعلى في قوقل
كل ثانية تأخير في تحميل الصفحة تخلي زواراً يطلعون قبل ما يشوفون منتجك. وكل خطأ بعد تحديث يوصل لعملائك قبلك. نختبر، ونسرّع، ونصلح اللي يمنعك من الظهور.
- سنة دعم بعد التسليم
- كل شي باسمك
- عرض سعر مخصص
لمن هذي الخدمة؟
موقعك بطيء خصوصاً على الجوال.
كل تحديث يطلع معه أخطاء جديدة.
محتواك جيد بس ما يظهر في قوقل.
تبي موقعك يكون متاحاً لذوي الإعاقة.
وش نسوي لك؟
اختبار البرمجيات
اختبار يدوي لتجربة المستخدم والحالات الخاصة، واختبارات آلية (Playwright وCypress) تشتغل مع كل تحديث فتلقط الأخطاء قبل النشر. وإذا متوقع عليك ضغط كبير، نختبر التحمل قبل الموسم.
تحسين السرعة
نحلل وش اللي يبطئ موقعك: صور كبيرة، أو سكربتات زايدة، أو استضافة ضعيفة. نصلحه ونرفع نتائج Core Web Vitals، وهي المقاييس اللي يعتمد عليها قوقل.
السيو التقني
نتأكد إن قوقل يقدر يقرأ موقعك ويفهمه: الفهرسة، والبيانات المنظمة، وخريطة الموقع، وhreflang للمواقع العربية والإنجليزية، والروابط المكسورة، والصفحات المكررة.
إمكانية الوصول
نراجع موقعك حسب معيار WCAG: تباين الألوان، والتنقل بلوحة المفاتيح، وقراءة الشاشة، فيكون موقعك متاحاً للجميع.
وش تستلم؟
- تقرير قبل وبعد بالأرقام.
- قائمة مشاكل مرتبة حسب أثرها.
- اختبارات آلية تبقى عندك وتشتغل مع كل تحديث.
كيف نشتغل؟
- 01
فحص
نقيس الوضع الحالي.
- 02
تقرير
المشاكل مرتبة بالأولوية.
- 03
إصلاح
نبدأ بالأعلى أثراً.
- 04
قياس
نقارن قبل وبعد.
الأسئلة الشائعة
01هل تشتغلون على موقع ما بنيتوه؟
نعم، نفحص أي موقع أو تطبيق، ونصلح المشاكل مع فريقك أو بدلهم.
02هل تضمنون المركز الأول في قوقل؟
لا، وما أحد يقدر يضمنه. نضمن إن موقعك سليم تقنياً وجاهز للمنافسة، والباقي يعتمد على المحتوى والمنافسين.
03كم تاخذ التحسينات لين يبان أثرها؟
أثر السرعة يبان فوراً. أثر السيو في نتائج البحث ياخذ أسابيع لأن قوقل يحتاج يعيد فحص الموقع.
تبي تعرف وش اللي يبطئ موقعك؟
أرسل لنا الرابط، ونرجع لك بعرض سعر مخصص للفحص والتحسين.
- عرض سعر مخصص، بدون باقات جاهزة
- بدون أي التزام قبل ما توافق
- سنة دعم بعد التسليم