تصميم يفهم مستخدمك قبل ما يرسم الشاشة
المستخدم يقرر خلال ثوانٍ إذا بيكمل في موقعك أو تطبيقك ولا يطلع. نصمم لك تجربة واضحة وسهلة، مبنية على فهم حقيقي لعملائك، ومصممة بالعربي من الأساس مو مقلوبة من تصميم إنجليزي.
- سنة دعم بعد التسليم
- كل شي باسمك
- عرض سعر مخصص
لمن هذي الخدمة؟
عندك فكرة منتج جديد وتبي تشوفها وتجربها قبل ما تصرف على البرمجة.
عندك موقع أو تطبيق قائم والمستخدمين يضيعون فيه، أو يتركونه في منتصف الطلب، أو يتصلون يسألون عن أشياء المفروض واضحة.
عندك أكثر من منتج وكل واحد شكله مختلف، وتبي هوية رقمية موحدة.
وش نسوي لك؟
بحث المستخدمين
قبل ما نرسم أي شاشة، نفهم مين يستخدم منتجك ووش يبي منه. نجلس مع عينة من عملائك، ونحلل منافسيك، ونطلع بشخصيات مستخدمين واضحة نرجع لها في كل قرار تصميم.
هيكلة المعلومات ومسارات المستخدم
نرتب المحتوى والصفحات بالطريقة اللي يفكر فيها مستخدمك، ونرسم المسار اللي يمشيه من أول ما يدخل إلى ما يكمل الطلب أو الحجز أو التسجيل، ونشيل أي خطوة ما لها داعي.
المخططات الأولية والنماذج التفاعلية
نبدأ بمخططات بسيطة (Wireframes) نتفق فيها على الهيكل، ثم نحولها لنموذج تفاعلي (Prototype) تقدر تضغط فيه وتجربه على جوالك كأنه منتج حقيقي، قبل سطر برمجة واحد.
التصميم البصري
نصمم الواجهات النهائية للويب والجوال بهوية علامتك: الألوان والخطوط والصور والأيقونات، مع اهتمام بالتفاصيل اللي تفرق بين منتج عادي ومنتج يرتاح له المستخدم.
نظام التصميم (Design System)
نبني مكتبة مكونات موحدة (أزرار، نماذج، بطاقات، قوائم) بقواعد واضحة. فريقك أو أي مطور يقدر يبني صفحات جديدة بنفس الجودة والاتساق بدون ما يرجع لنا كل مرة.
عربي وإنجليزي من الأساس
نصمم الاتجاهين (RTL وLTR) من البداية: محاذاة النصوص، واتجاه الأيقونات، وطول الكلمات العربية، والخطوط اللي تقرأ بوضوح على الجوال.
اختبار قابلية الاستخدام
نختبر التصميم مع مستخدمين حقيقيين قبل التسليم، ونعدل بناءً على اللي يصير فعلاً، مو على التوقعات.
مراجعة تجربة منتج قائم (UX Audit)
إذا عندك منتج شغال، نراجعه شاشة شاشة ونسلمك قائمة مشاكل مرتبة حسب أثرها على عملائك، مع اقتراح الحل لكل مشكلة.
وش تستلم في النهاية؟
- ملفات Figma منظمة ومسماة بشكل واضح، وتكون ملكك بالكامل.
- نموذج تفاعلي قابل للمشاركة مع فريقك أو المستثمرين.
- مكتبة مكونات (Design System) جاهزة للتوسع.
- دليل تسليم للمطورين فيه المقاسات والحالات والتفاعلات.
كيف نشتغل؟
- 01
اكتشاف
نفهم هدف المنتج وجمهوره وقيودك.
- 02
بحث
مقابلات وتحليل منافسين.
- 03
هيكلة
خريطة الصفحات ومسارات المستخدم.
- 04
مخططات
نتفق على الهيكل قبل الشكل.
- 05
تصميم بصري
الواجهات النهائية.
- 06
اختبار
مع مستخدمين حقيقيين، ثم تعديل.
- 07
تسليم
الملفات والمكتبة ودليل المطورين.
الأدوات
Figma للتصميم والنماذج، وFigJam لورش العمل، وMaze لاختبار قابلية الاستخدام.
الأسئلة الشائعة
01وش الفرق بين UI وUX؟
UX هو تجربة المستخدم: كيف يتنقل، ووين يضغط، وهل يوصل لهدفه بسهولة. UI هو الواجهة: الألوان والخطوط والأزرار وشكل الشاشة. نشتغل على الاثنين مع بعض، لأن الشكل الجميل ما يفيد إذا المستخدم ضايع.
02هل أقدر أطلب تصميم فقط بدون تطوير؟
أكيد. نسلمك ملفات جاهزة لأي فريق تطوير، ونقدر نرافقهم في التنفيذ لو احتاجوا توضيح.
03هل أملك ملفات التصميم المصدرية؟
نعم، كل الملفات تنسلم لك وتكون ملكك بالكامل.
04كم جولة تعديل مشمولة؟
عدد جولات التعديل يتحدد في عرض السعر حسب حجم المشروع، ويكون مكتوب بوضوح قبل ما نبدأ.
05عندي هوية بصرية جاهزة، هل تلتزمون فيها؟
نعم، نبني التصميم على هويتك الحالية. وإذا ما عندك هوية، نقدر نشتغل مع قطاع الحلول التسويقية في زيزليد على تصميمها.
جاهز تشوف منتجك قبل ما تبنيه؟
اكتب لنا فكرتك أو المشكلة اللي تواجهها في منتجك الحالي، ونرجع لك بعرض سعر مخصص.
- عرض سعر مخصص، بدون باقات جاهزة
- بدون أي التزام قبل ما توافق
- سنة دعم بعد التسليم